I pari i Partisë Demokratike të Kosovës, Memli Krasniqi, ka bërë homazhe në Kompleksin Memorial “Lëndina e pikëllimit”, në 24-vjetorit e masakrës së Mejës.
Krasniqi ka thënë se pa u gjetur dhe zbuluar fati i të pagjeturit të fundit nuk mund të ketë drejtësi.
Sipas Krasniqit, nuk është bërë mjaftueshëm për zbardhjen e personave të pagjetur, madje thotë se për disa familjarë ende nuk ka ardhur liria.
“Si çdo 27 prill edhe këtë vit sa herë që vijmë këtu në ‘Lëndinën e Krenarisë’ në Mejë, nuk ka sesi të kujtojmë këtë rrugëtim të rëndë e tragjik të popullit tonë që sakrifikoi aq shumë për lirinë që e gëzojmë sot dhe padyshim si në çdo ditë tjetër por në mënyrë të veçantë në këtë ditë kur i kujtojmë të pagjeturit, dhimbjen e pambaruar të familjarëve në radhë të parë por edhe të kombit tonë në përgjithësi”, tha Krasniqi.
Sot, shënohet përvjetori i 24-të i masakrës në Mejë të Gjakovës, ku më 27 prill 1999 u vranë 376 persona. /teve1.info/
