Krasniqi e ka uruar Begajn për detyrën e tij të re dhe të njëjtit i ka ofruar mbështetjen dhe bashkëpunimin e plotë të PDLK-së në ruajtjen dhe avancimin e marrëdhënieve mes Kosovës dhe Shqipërisë.
“Kënaqësi e veçantë të takoj Presidentin e sapo zgjedhur të Republikës së Shqipërisë, Bajram Begaj, në kuadër të vizitës së tij të parë zyrtare në Republikën e Kosovës, të cilin e urova për detyrën e re dhe i ofrova mbështetjen dhe bashkëpunimin e plotë të Partisë Demokratike të Kosovës, në ruajtjen dhe avancimin e marrëdhënieve vëllazërore mes Shqipërisë dhe Kosovës”, ka shkruar ai në një postim në Facebook.
Ai po ashtu ka uruar Begajn edhe për hapjen zyrtare të negociatave për anëtarësimin e Shqipërisë në Bashkimin Evropian, teksa e ka falënderuar për angazhimin e Shqipërisë për hartimin e Rezolutës kundër disk Martyt dhe dërgimin e saj në Asamblenë e KE-së.
“Po ashtu, në këtë takim, Presidentin e urova edhe për hapjen zyrtare të negociatave për anëtarësimin e Shqipërisë në Bashkimin Evropian, e cila është jo vetëm arritje e madhe për shtetin shqiptar, por edhe një hap i rëndësishëm për tërë rajonin në avancimin e kërkesave dhe të drejtave tona. Presidentin Begaj e falënderova për angazhimin dhe kontributin e shtetit shqiptar për hartimin e Rezolutës dhe dërgimin e saj në Asamblenë e Këshillit të Evropës që ka për synim vërtetësinë e luftës së pastër të Ushtrisë Çlirimtare të Kosovës”, ka thënë Krasniqi. /teve1.info/
