Komisioni Qendror i Zgjedhjeve (KQZ) nuk e ka certifikuar kandidaturen e Ena Kadaj për deputete nga subjekti politikKOALICIJA VAKAT, që garon nga radhët e komunitetit boshnjak.
Vendimi erdhi pas pretendimeve se Kadaj i përket etnisë shqiptare, gjë që ka ngritur paqartësi rreth të drejtës së saj për t’u kandiduar në këtë listë.
Sipas njoftimit të KQZ-së, gjatë mbledhjes së fundit u certifikuan 42 nga 43 kandidatët e këtij subjekti politik.
“Në këtë mbledhje, KQZ ceritifikoi vetëm 42 nga 43 kandidatët e subjektit politik KOALICIJA VAKAT nga radhët e komunitetit boshnjak, për shkak të situatës së padefinuar tërësisht dhe pretendimeve se një nga kandidatet nga kjo listë i përket etnisë shqiptare”, thuhet në njoftimin e KQZ-së.
Ena Kadaj është motra e Donika Kadaj, aktualisht këshilltare e Presidentes së Kosovës, Vjosa Osmani.
