Lirim Sylejmani, 49 vjeç, një shtetas amerikan i lindur në Kosovë, u dënua sot në Gjykatën e Qarkut të ShBA-së me 10 vjet burgim në lidhje me kryerjen e stërvitjes ushtarake me Shtetin Islamik të Irakut dhe al-Shamit (ISIS) dhe më pas angazhimin në të paktën një betejë me forcat e koalicionit të udhëhequra nga ShBA-ja.
Sylejmani, i njohur edhe si Abu Sulayman al-Kosovi, ishte deklaruar fajtor në dhjetor të vitit 2024. Sipas gjykatës, ai kishte udhëtuar në Siri në vitin 2015, ku mori pjesë në trajnime ushtarake dhe u angazhua në luftë kundër forcave të koalicionit.
Sipas dokumenteve të gjykatës, nga nëntori 2015 deri në shkurt 2019, Sylejmani mori trajnim ushtarak nga ISIS në Siri. Sylejmani u kap nga Forcat Demokratike Siriane (SDF) në vitin 2019 dhe foli me një numër mediash rreth kohës së tij me ISIS./teve1.info/
