Pas heqjes së regjimit të vizave nga shtetet e BE-së, qytetarët e Kosovës do të mund të qëndrojnë në vendet e BE-së pa vizë në periudhë prej 90 ditëve, brenda afatit kohor prej 180 ditëve, raporton teve1.info
Njoftimin e bëri presidenca suedeze e Këshillit të BE-së, përmes një postimi në Twitter.
Përmes këtij postimi, KE njoftoi edhe për vendimin e këtij institucioni për procesin e liberalizimit të vizave për qytetarët e Kosovës.
“Këshilli sot miratoi qëndrimin e tij në lexim të parë për lëvizjen pa viza për poseduesit e pasaportave të lëshuara nga Kosova. Rregullat e reja do t’i lejojnë mbajtësit e pasaportave të Kosovës të udhëtojnë në BE pa vizë për një periudhë qëndrimi prej 90 ditësh në çdo periudhë 180 ditore. #EU2023SE”, thuhet në njoftimin e KE-së.
