Kombëtarja U17 e Kosovës në futboll, e ka përmbyllur me sukses grumbullimin pesëditore në Kampin Nacional në Hajvali, ka njoftuar FFK-ja të enjten.
Gjithsej, 24 futbollistë të rinj, qoftë nga kampionati vendor apo diaspora, të lindur në vitin 2008 ishin të ftuar nga selektori Arbnor Morina.
Gjatë këtij grumbullimi, Kosova U17 ka zhvilluar edhe dy ndeshje kontrolluese, të cilat i ka fituar ndaj 2 Korrikut dhe Ballkanit.
Trajneri Morina është shprehur i lumtur me këtë grumbullim, i cili do ti ndihmoj atij të bëjë përzgjedhjen e duhur të ekipit të Kosovës, i cili do të paraqitet në kualifikimet evropiane që mbahen prej 7 deri më 15 tetor në Belgjikë.
Kosova U17 është pjesë e Grupit 4 të Ligës B, pjesë e të cilit janë edhe Belgjika, Ukraina e Kazakistani.
Ndeshjen e parë në kuadër të këtyre kualifikimeve, Kosova do ta luaj kundër Ukrainës më 9 tetor.
