Kosova këtë të enjte nis përgatitjet për ndeshjet e qershorit në kuadër të kualifikimeve për Evropianin 2024.
Dardanët do ti zhvillojnë dy ndeshje kualifikuese në kuadër të Grupit I. Kosova do të ndeshet me Rumaninë më 16 qershor në “Fadail Vokrri” dhe me pas mysafir i Bjellorusisë, më 19 qershor në “Puskas Arena” të Budapestit në Hungari.
Ditë me parë përzgjedhësi Alain Giresse publikoi listën me emrat e lojtarëve të ftuar ndërsa tani pritet t’ia fillojë punës.
FFK gjatë të enjtë ka njoftuar në lidhje me agjendën e ekipit përfaqësues, i cili pritet të grumbullohet sot.
Kosova do ta zhvilloj një stërvitje gjatë pas ditës së sotme dhe dy stërvitje gjatë ditës së nesërme (e premte).
Më poshtë e gjeni agjendën e stërvitjeve të Kosovës për dy ditët në vazhdim:
E enjte, 8 qershor
17:00 Stërvitje – Kampi Nacional në Hajvali
E premte, 9 qershor
10:30 Stërvitje – Kampi Nacional në Hajvali
17:00 Stërvitje – Kampi Nacional në Hajvali
