Kombëtarja e Kosovës është në epërsi prej dy golave pas pjesës së parë ndaj Qipros.
Në duelin që po luhet në Larnaca, rezultati është 2:0 pas 45 minutave të para.
Kjo ndeshje i takon Grupit 2 të Ligës C të Ligës së Kombeve.
“Dardanët” startuan furishëm dhe avancuan me të filluar takimi.
Në minutën e 9-të, Kosova zhbllokoi rezultatin me anë të Vedat Muriqit.
Sulmuesi Muriqi ishte i saktë nga penalltia për avantazhin e Kosovës (1:0).
Nuk vonoi shumë, Muriqi shënoi edhe golin e tij të dytë në këtë takim për të dyfishuar epërsinë e Kosovës.
Këtë herë, ai shënoi me kokë pas harkimit të Donat Rrudhanit në minutën e 22-të.
Me këtë epërsi, Kosova është një hap larg fitores së parë në kampanjën e re të Ligës së Kombeve, të cilën e nisi javën e shkuar me humbje nga Rumania (2:0).
