Ministria e Punëve të Jashtme dhe Diasporës ka njoftuar se delegacioni i Republika e Kosovës, i kryesuar nga Drejtori i Departamentit për Evropë, BE dhe Rajon, Mentor Tahiri, ka zhvilluar një vizitë zyrtare në Dublin, ku u prit nga përfaqësuesit e palës irlandeze, të udhëhequr nga Drejtori për Zgjerim dhe Njësinë për Evropën Juglindore, Frank Smyth.
Takimi thuhet se ka shënuar një moment të rëndësishëm në avancimin e dialogut politik dhe forcimin e marrëdhënieve bilaterale ndërmjet Kosova dhe Irlanda.
Sipas MPJD-së, gjatë konsultimeve, palët kanë diskutuar mbi zhvillimet e përgjithshme në të dy vendet, thellimin e marrëdhënieve bilaterale, procesin e integrimit evropian të Kosovës, si dhe zhvillimet në Ballkanin Perëndimor dhe sfidat globale të sigurisë.
Po ashtu, është theksuar rëndësia e bashkëpunimit shumëpalësh në kuadër të organizatave dhe forumeve ndërkombëtare.
“Takimi i zhvilluar në prag të Presidencës irlandeze të BE-së, konfirmoi përkushtimin e përbashkët për forcimin e partneritetit ndërmjet Kosovës dhe Irlandës, si dhe për vazhdimin e dialogut të rregullt politik në funksion të stabilitetit, sigurisë dhe avancimit të agjendës evropiane”, theksohet në njoftim.
