Kryetari i Kuvendit të Republikës së Kosovës, Glauk Konjufca, bëri homazhe dhe vendosi lule në Kompleksin Memorial në Izbicë të Skënderajt, në 23-vjetorin e vrasjes së 147 banorëve të këtij fshati nga forcat serbe.
Konjufca në Facebook tha se ende nuk ka drejtësi për krimet e kryera nga Serbia mbi popullatën shqiptare.
“Për këto krime të gjenocidit të Serbisë mbi popullin tonë ende nuk ka drejtësi. Kurse Serbia udhëhiqet nga një person i cili para një jave tha se Milosheviqi nuk ka bërë asnjë krim”, tha Konjufca.
Masakra në Izbicë shënon një nga masakrat më të mëdha të kryera nga serbët gjatë luftës në Kosovë.
