Policia e Kosovës i ka konfiskuar tri armë zjarri në tri raste të ndryshme në Prishtinë gjatë 24 orëve të fundit, raporton teve1.info
Sipas Policisë së Kosovës dy pistoleta janë konfiskuar në vetura të ndryshme kurse një revole në shtëpinë e një të dyshuari.
Armët janë konfiskuar ndërsa të gjitha rastet kanë kaluar në procedurë të rregullt.
“Rr. Ukshin Hoti, Prishtinë 19.07.2023 – 00:30. Është arrestuar i dyshuari mashkull kosovar për shkak se njësiti policor në veturën e tij me targa të huaja gjatë kontrollit ka gjete dhe sekuestruar një pistoletë me 4 fishekë. I dyshuari pas intervistimit me urdhër të prokurorit është liruar në procedurë të rregullt.
Rr. Fahri Fazliu, Prishtinë 19.07.2023 – 20:57. Njësia policore gjatë një pike kontrolli ka ndaluar një veturë që drejtohej nga i dyshuari mashkull kosovar. Gjatë kontrollit në veturë është gjetur dhe sekuestruar një pistoletë dhe dy fishekë. Në konsultim me prokurorin rasti shkon në procedurë të rregullt.
Kroi i njelmët, Prishtinë 19.07.2023, 23:40. Është shoqërua në stacionin policor i dyshuari mashkull kosovar pasi që tek i njëjti gjatë kontrollit është gjetur dhe konfiskuar një armë (revole), një karikator me pesë fishekë të cal. 6.5 mm si dhe dy fishekë cal.7.62. Pas intervistimit me vendim të prokurorit rasti shkon në procedurë të rregullt”, thuhet në komunikatën e Policisë.
