Policia e Ferizajt në bashkëpunim me AKI-në kanë kryer një hetim disa mujorë, duke zbatuar një plan taktik “Kulla” me qëllim arrestimin e të dyshuarve për përfshirje në trafikim me lëndë narkotike.
Gjatë këtij aksioni, policia ka arrestuar katër të dyshuar, dy prej tyre shtetas të Kosovës dhe dy të tjerë të Shqipërisë.
“Gjatë realizimit të operacionit policor, hetuesve të DHTN-Ferizaj i kanë ofruar mbështetje njësit tjera policore nga DHTN Prishtinë, NjSI e njësi tjera mbështetëse. Policia ka arrestuar katër të dyshuar: A.L., (mashkull shtetas i Shqipërisë, viti i lindjes 1973), M.B., (mashkull shtetas i Shqipërisë, viti i lindjes 1971), A.B., (mashkull kosovar, viti i lindjes 1997) dhe A.B., (mashkull kosovar, viti i lindjes 1993). Po ashtu dy të dyshuar nuk janë hasur nga policia dhe ndodhen në arrati”, thuhet në njoftimin e policisë.
Policia gjatë operacionit ka konfiskuar substancë që dyshohet të jetë narkotike e llojit kokainë me peshë totale 4620.4 gr., e mbështjellë në katër paketime, me vlerë tregu rreth 140 mijë euro, një pistoletë me 14 fishekë, dy telefona celular, para (euro, lekë dhe dollar kanadez), dy vetura dhe një motor katër-rrotësh.
Të dyshuarit, pas intervistimit me aktvendim nga prokuroria janë dërguar në mbajtje deri në 48 orë./teve1.info/
