Komuna e Kamenicës ka marrë vendim që të pezullojë disa shërbime komunale për ata qytetarë që kanë borxhe të akumuluara ndër vite.
Për qytetarët që kanë borxhe do të pezullohen të gjitha shërbimet kadastrale, shërbimet për Planifikim dhe Urbanizëm, shërbimet rregullatore si dhe ndalesa e shërbimeve të tjera, raporton teve1.info.
Komuna ka njoftuar se vendimi do të vlejë deri në pagesën e plotë të detyrimeve taitmore të papaguara.
“Komuna pezullon shërbimet brenda tre (3) ditëve pune pas ditës së fundit për pagesë. Komuna pezullon shërbimet deri në pagesën e plotë të detyrimeve tetimore të papaguara. Me qellim marjen e shërbimeve që ofrohen nga Zyra apo Drejtori të ndryshme në Komunë, tatimpaguesit janë të detyruar të paraqesin pranë këtyre të fundit një vërtetim pagese, i cili përcakton se të gjitha detyrimet tatimore të papaguara janë paguar”, thuhet në njoftim.
