Kombëtaret pjesëmarrjëse në “Euro 2024” që këtë vit mbahet në Gjermani, do të mund të kenë në përbërje nga 26 lojtarë.
Ky ndryshim është miratuar në parim nga UEFA dhe së shpejti do të zyrtarizohet pasi të kaloj në Komitetin Ekzekutiv të kësaj organizate.
Mediumet e huaja kanë bërë të ditur se tashmë departamenti i kombëtareve në UEFA është dakorduar për këtë ndryshim, duke pasur parasysh se ishte kërkesë nga pjesa më e madhe e trajnerëve.
Ende nuk dihet se si do të funksionojë sistemi me 26 lojtarë, nëse do të lejohen të gjithë në bankinë apo si zakonisht vetëm 23 do të jenë të gatshëm për ndeshjen me 3 tjerë në tribunë.
Kundër vendimit për 26 lojtarë në “Euro 2024” ishte selektori i Kombëtares së Shqipërisë, Sylvinho por duhet se opinioni i shumicës së trajnerëve tjerë ka bërë dallimin në fund.