Në mbledhjen e Komisionit për Shëndetësi, Kollçaku shtoi se ishte shumë e vështirë të shihej se si po keqtrajtohej një nënë e dëshmorit.
Sipas saj, të gjitha licencat duhet të rishikohen për punonjësit shëndetësor, duke kërkuar që ky rast të trajtohet me seriozitet nga institucionet e drejtësisë.
Madje ajo tha se shteti ka ende shumë punë sa i përket edukimit.
“Shpreh shqetësimin për ngjarjen çfarë e pame, një akt të dhunës në një institucion të të moshuarve. Një nënë e dëshmorit ishte shumë e vështirë ta shohim. Ne kemi filluar vizita në Shtëpinë e të moshuarve në Prishtinë dhe do të vazhdojmë me këto vizita”, tha ajo.
“Këtu të gjitha licencat që janë lëshuar duhet të rishikohen. Besoj që ne me përkushtim duhet të kërkojmë që kjo dhunë të ndëshkohet”, u shpreh Kollçaku.
Sipas saj, bashkëfajtor janë i gjithë stafi që e ka lejuar dhunën.
“Mos veprimi i gjyqësorit për këto raste nuk është i izoluar. Edhe ai që e ka incizuar është një lloj bashkëpunëtori. Ka punë shumë edhe për edukim”, u shpreh ajo.
Nga videoja e publikuar, përveç dhunës së ushtruar nga infermierja, shihen edhe stafi tjetër i qendrës i cili nuk bënë asnjë veprim për ta parandaluar dhunën.
