Novak Djokovic u eliminua nga Masters në Monte Carlo, çka i rrezikon atij tashmë vendin e parë në renditjen e ATP. Serbi nuk e ka më shkëlqimin e dikurshëm, çka u reflektua edhe gjatë ndeshjeve të fundit, duke u larguar nga gara nga Lorenzo Musetti.
3-vjeçari konsiderohej si një favorit absolute, por tashmë ka pikëpyetje për tenistin, i cili ka qenë mes më të mirëve në këtë sport për shumë vite.
Fakti që ai në disa prej kompeticioneve nuk merr pjesë për shkak se ka refuzuar që të vaksinohet kundër COVID, po i ndikon në formë. Mungesa e ndeshjeve me rivalë të fortë në kompeticione zyrtare ka lënë pas “Nolen”, i cili tashmë rrezikon që të lëshojë vendin e parë të ATP-së.
Aktualisht, Djokoviç është në kuotën e 7160 pikëve në krye dhe pas tij janë Alcaraz me 6780, Stefanos Tsitsipas me 5770 pikë, Casper Ruud me 5255 dhe Medvedev 5150, por ky i fundi është në garë për të triumfuar në këtë Master, çka do ta bënte që të rivalizonte me serbin për vendin e parë.
Insistimi i “Noles” për t’i qëndruar vendimit të tij për të mos u vaksinuar dhe mungesës së tolerancës nga organizatorët e eventeve po sjell një ndikim direkt në renditjen e tenisit. Djokoviç duket se është i gatshëm që të sakrifikojë vitet e tij të fundit të karrierës, duke mbështetur ideologjinë e tij.
