Klubi i Interit ka vendosur çmimin për titullarin e portës, kamerunasin Andre Onana. Ҫmimi që drejtuesit zikaltër kanë përcaktuar është 35 mln paund.
Afrikani mund të lërë Italinë vetëm pas 1 sezoni nga erdhi nga Ajax i Amsterdamit me parametër zero.
Sinjale të qarta ka hedhur Chelsea. Londinezët duken të gatshëm të paguajnë shifrën e përcaktuar nga klubi zikaltër.
Reparti i portës, vitet e fundit në Stamford Bridge ka qenë një problem jo i vogël ku të dy portierët, si Kepa dhe Edouard Mendy, kanë lënë gafa të paharruehme te tifozët.
Kepa është portieri më i shtrenjtë në historinë e merkatos dhe pritshmëritë ishin tepër të larta por gafat në sezonin e parë dhe ulja në stol herë pas herë nga Edouard Mendy, kanë krijuar një situatë të paqëndrushme për portierin bask.
Edouard Mendy erdhi si zëvendësuesi i Kepa dhe arriti të rrëmbejë vendin e titullarit, por gafat në çerekfinalet e Champions League një vit më parë duket se i lanë një shije të hidhur senegalezit, i cili nuk po arrin të performojë më si më parë.
Në dy fazat e merkatos klubi londinez ra në sy për blerjet e çmendura ku përmendim Enzo Fernandez (121 mln paund) dhe Mykhailo Mudryk (75 mln paund).
