I ftuar në emisionin “Info Nata”, Klinaku tha se në Kosovë duhet të ruhen liritë dhe të drejtat e çdokujt, por që sipas tij, zgjerimi i tepërt i lirive dhe të drejtave të njeriut paraqet debat në çdo shoqëri.
“Udhëzimet e ofruara besoj që janë të rëndësishme, por që nuk nuk lexohet askund që miratimi i kësaj dispozite ligjore brenda Kodit Civil është kusht për vazhdim të integrimeve të mëtutjeshme evropiane ose për Këshillin e Evropës. Ta kemi të qartë në Kosovë duhet të ruhen liritë dhe të drejtat e çdokujt, pra komuniteteve të tilla ju respektohen liritë dhe të drejtat e tyre, por zgjerimi i lirive dhe të drejtave të njeriut paraqet debat në çdo shoqëri”, ka thënë Klianku.
Ai më tej ka shtuar se ky debat është paraqitur edhe në Angli dhe vendet tjera evropiane.
“Martesat midis gjinive të njëjta ose te ne siç është bashkësia e regjistruar civile, paraqet debat edhe tash si në Itali në zgjedhjet e fundit. Pra fitoj një parti e cila thotë që do ta shfuqizojë dispozitën e cila e lejon martesën mes gjinive të njëjta”, shtoi ai në Tëvë1.
