Protesta “Jo në Emrin Tim”, po vazhdon edhe sonte në Prishtinë, për të pestën natë me radhë.
Klestor Veseli, djali i Kadri Veselit, dhe Endrit Thaçi, djali i Hashim Thaçit, ndodhen në mesin e mijëra qytetarëve në Prishtinë ku po protestohet kundër aktgjykimit të Gjykatës Speciale në Hagë.
Tashmë këto protesta janë shndërruar në të përnatshme dhe kundërshtojnë verdiktin e Gjykatës Speciale të 16 shtatorit, e cila dënoi me burgim ish-krerët e UÇK-së.
Protestuesit e shohin si një vendim të padrejtë, të ndikuar politikisht dhe të rrezikshëm për shtetin e Kosovës.
Sonte është zbuluar një flamur i madh kombëtar, teksa jehojnë këngët folklorike në përkrahje të ish-krerëve të UÇK-së.
Si në netët e tjera paraprake, protesta ka filluar në ora 21:00, teksa shumë qytetarë janë mbledhur më herët në shesh.
