Ushtarët e Batalionit Kinetik të Komandës Rajonale Perëndim (RC-W) të misionit të udhëhequr nga NATO, KFOR, vazhdojnë të kryejnë patrullime të pavarura në komunat që i përkasin zonës së tyre të përgjegjësisë.
“Këto aktivitete, të realizuara si me mjete ashtu edhe në këmbë, nënvizojnë përkushtimin e vazhdueshëm të KFOR-it për të garantuar një mjedis të sigurt dhe të qetë për të gjithë njerëzit që jetojnë në Kosovë”, njofton KFOR.
KFOR-i po vazhdon të zbatojë mandatin e tij për të siguruar një mjedis të qetë dhe të qëndrueshëm për të gjithë banorët e Kosovës, duke mbrojtur lirinë e lëvizjes dhe duke vepruar në mënyrë të paanshme në çdo kohë.
Ai punon ngushtë me Policinë e Kosovës dhe Misionin e Bashkimit Evropian për Sundimin e Ligjit (EULEX), secili duke luajtur rolin e vet si reagues i sigurisë në përputhje me mandatet përkatëse.
