Pas më shumë se një muaji pritje, punëtorët e sektorit publikë e dinë vlerën e koeficientit.
Kryeministri i Kosovës, Albin Kurti ka bërë e ditur se e njëjta do të jetë mbi 100 euro.
E me ligjin e ri të pagave, e para e shtetit, Vjosa Osmani e ka koeficientin më të lartë prej 18, mirëpo e njëjta do të ketë zbritje për 853 euro.
Nga 2 mijë e 743 sa e ka aktualisht, ajo do të ketë pagë 1890 euro.
E ulje të pagës për 1737 euro do të ketë kryetari i Gjykatës Kushtetuese, pavarësisht që koeficientin e ka 17.5.
Nga 3 mijë e 574 sa e ka aktualisht, do të ketë zbritje në 1837 euro.
Për dallim prej tyre, rritje do të ketë kryeparlamentari Glauk Konjufca dhe shefi i qeverisë, Albin Kurti.
Nga 1547 euro sa e kishte pagën, me koeficientin e ri Konjufca do të paguhet 1785 euro.
Me shifrën e njëjtë do të paguhet edhe Kurti, ani pse me koeficientin e vjetër paguhej 1305.
E ngritje të pagave me këtë ligj, do të kenë edhe ministrat dhe deputetët e Kuvendit të Kosovës.
Deputeti i Kuvendit të Kosovës, nga 1 mijë e 547 euro të ketë pagën 1722 euro.
E rrogë të njëjtë do të kenë edhe ministrat, edhe pse deri në këtë periudhë janë paguar 1 mijë e 200 euro.
Rritja do të vazhdojë edhe për mësimdhënësit dhe mjekët vendit.
Një mësimdhënës i shkollës së mesme, nga 459 euro do të ketë pagë 609 euro, ndërsa ai i shkollës fillore prej 421 në 588 euro.
E gati dyfishim të pagës do të kenë mjekët specialist me koeficientin 12.
Prej 659 euro, paga mujore e tyre do të arrijë në 1260 euro.
E nga e gjithë lista, koeficientin më të ulët do të kenë zyrtarët policor dhe zjarrëfiksat.
Nga 392 euro, një zyrtarë policor në Kosovë do të arrijë pagën 619 euro.
E rritje për 200 euro do të kenë edhe zjarrfikësit, nga 325 në 525 euro.
Mirëpo, me këtë vendim nuk po pajtohen qytetarët, pasi po konsiderojnë se inflacioni i ka kapluar.
Ligji për Pagat në sektorin publik është miratuar në lexim të dytë në Kuvendin e Kosovës, me 22 dhjetor 2022.
Kronika e gazetares Fetije Kamberi.
