Klisman Kadiu, këshilltar i zv/kryeministrit Besnik Bislimi ka reaguar pas përleshjes në Kuvend, në të cilën u përfshi edhe shefi i tij.
Eskalimi sipas Kadiut filloi me dy sulmet e kryera nga deputeti i PDK-së, Mërgim Lushtaku.
“Mërgim Lushtaku gjuan me ujë Kryeministrin Kurti. Pas saj, sulmon në drejtim të zëvendëskryeministrit Bislimi. Pra sulmin e parë, edhe ndaj Kryeministrit, edhe ndaj zëvendëskryeministrit e bën deputeti Lushtaku. Këtu fillon eskalimi”, ka shkruar Kadiu.
Kadiu ka shkruar se grushtat ndaj ministrit Murati, ndaj zëvendëskryeministrit Bislimi dhe ministres Haxhiu duhen dënuar ashpër
“E turpshme kush po e shtrembëron me qëllim të vërtetën. E ulët dhe e turpshme kush po viktimizohet për këtë, kur po i nisin situatat vetë”, ka shkruar Kadiu.
