Fundori Batin Tuna është përforcimi më i ri te KB Trepça.
Tuna (197 cm), të mërkurën është prezantuar te kampionia e Kosovës, pjesë e së cilës do të jetë për sezonin 2024/25.
Ai te Trepça do të luaj si lojtar vendor, ndër klubi nga Mitrovica tashmë ka firmosur kontratën me lojtarin 21-vjeçar.
Tuna si lojtar është zhvilluar në akademinë e Tofashit ku edhe ka luajtur për ekipin e parë në elitën e basketbollit të Turqisë.
Me Tofashin krahas kampionatit, Tuna ka luajtur edhe në Ligën e Kampionëve, garë e FIBA në të cilën Trepça do të paraqitet në kualifikimet e këtij sezoni.
Trepça dominoi totalisht sezonin e shkuar në basketbollin kosovar, ku krahas tre trofeve – titullit të kampionit, Kupës dhe Superkupës – e fitoi edhe Ligën Unike.
