Ndeshja e pazhvilluar ndërmjet Caledonia Gladiators dhe Trepçës në kuadër të FIBA Europe Cup, është regjistruar me rezultat zyrtar – 20:0, në të mirë të ekipit nga Skocia.
Rezultati 20:0 është paraqitur në sajtin zyrtar të FIBA Europe Cup, ndonëse më herët ishte njoftuar se ndeshja është pezulluar.
Kjo ndeshje është dashur të zhvillohet të mërkurën mbrëma në Skoci, por Trepça nuk ka udhëtuar pasi nuk ishte pajisur me viza të Mbretërisë së Bashkuar.
Madje, FIBA kishte njoftuar për pezullimin e këtij takimi për shkak të çështjes së vizave, por në fund e ka regjistruar me rezultat zyrtar në favor të Caledonia Gladiators.
Kështu që, Trepça i jep fund garave në fazën grupore të FIBA Europe Cup me gjashtë humbje në stinorin e rregullt, ndërsa ka tubuar 5 pikë pasi nuk i ka takuar pika për disfatën me rezultat zyrtar.
Për Trepçën, kjo ishte hera e dytë që u paraqit në stinorin e rregullt të FIBA Europe Cup por që nuk arriti të avancoj përtej fazës së grupeve.
