Policia e Kosovës ka iniciuar një rast për veprën penale “Kontrabandë me migrantë”, pas ndalimit të një automjeti në fshatin Vërmicë të Prizrenit, ku janë gjetur katër shtetas të huaj.
Sipas raportit të Policisë së Kosovës, rasti ka ndodhur më 23 korrik 2026, rreth orës 08:30. Njësitet policore kanë ndaluar për kontroll një automjet me targa vendore, i cili drejtohej nga një person i dyshuar mashkull kosovar.
“Fsh. Vërmicë, Prizren / 23.07.2026 – 08:30. Njësiti policor ka ndaluar një automjet me targa vendore, të cilin e ka drejtuar i dyshuari mashkull kosovar. Brenda në automjet kanë qenë katër persona meshkuj, shtetas të huaj. Lidhur me rastin është njoftuar prokurori dhe me autorizim të tij është iniciuar lënda e rastit, e cila vazhdon të hetohet”, thuhet në raportin e Policisë.
Policia ka bërë të ditur se rasti është duke u trajtuar në koordinim me Prokurorin e Shtetit, ndërsa hetimet për zbardhjen e plotë të rrethanave janë në vazhdim.
