Karateisti nga Kosova, i cili përfaqëson Shqipërinë, Orges Arifi është kualifikuar në finale të kategorisë deri 60 kilogramë në Kampionatin Evropian që po mbahet në Kroaci.
Arifi luftën e parë e fitoi ndaj Erik Timmer nga Zvicra, për ta mposhtur edhe garuesin nga Turqia, Eray Samdan në raundin e dytë. Ndërkohë, në raundin e tretë, Arifi ishte më i mirë se çeku Martin Drabek.
Në fakt, Arifi të paktën ka siguruar medaljen e argjendtë në këtë ngjarje, duke pasur parasysh se është kualifikuar në finale.
Në finale, Arifi do ta ketë përball grekun Xenos Christos-Setanos, i cili është kampion aktual i botës në kategorinë deri 60 kilogramë.
