Një person nën ndikim të alkoolit dhe substancave narkotike ka kanosur prindin e tij dhe ka shtënë me armë zjarri brenda dhe jashtë shtëpisë në Pejë.
Policia ka bërë të ditur se i dyshuari është larguar, ku në vend ngjarje janë gjetur dhe konfiskuar dy gëzhoja dhe një predhe e fishekut.
Sipas policisë nuk është raportuar për të lënduar.
“Pejë 13.06.2025-21:30. Raportohet se i dyshuari mashkull kosovar, nën ndikim të alkoolit dhe substancave narkotike, ka kanosur prindin e tij. Sipas viktimës, i dyshuari edhe ka shtënë me armë zjarri në brendi të shtëpisë dhe një here jashtë shtëpisë dhe është larguar në drejtim të panjohur. Në vendin e ngjarjes janë gjetur dhe konfiskuar dy gëzhoja dhe një predhe e fishekut. Nuk raportohet për të lënduar. Lidhur me rastin është njoftuar prokurori”, thuhet në raportin e policisë./teve1.info/
