Një person është arrestuar të shtunën në Prishtinë, nën dyshimin për kanosje ndaj një zyrtari policor, pas shqiptimit të një tikete për kundërvajtje në komunikacion.
Siç bëhet e ditur në raportin 24-orësh të Policisë, njësiti policor ka ndaluar një automjet, pasi drejtuesi kishte kryer kundërvajtje – përdorim të telefonit gjatë ngasjes në më shumë se një rast.
Pas shqiptimit të tiketës dhe konfiskimit të patentë shoferit, i dyshuari dyshohet se ka kanosur me fjalë zyrtarin policor.
I njëjti, pas intervistimit, me vendim të prokurorit është liruar në procedurë të rregullt hetimore.
“Njësiti policor ka ndaluar një automjet me ngasës m/k pasi kishte bërë kundërvajtje-përdorim i telefonit gjatë ngasjes me shumë se një herë. Si pasojë e shqiptimit të tiketës për kundërvajtje dhe konfiskimi të patent shoferit i dyshuari ka kanosur me fjalë zyrtarin policor. I dyshuari është arrestuar dhe pas intervistimit, me vendim të prokurorit është liruar në procedurë të rregullt”, thuhet në raportin e Policisë së Kosovës./teve1.info/
