Bajram Mustafa, kandidat për deputet në Kuvendin e Serbisë nga Partia Demokratike, ka thënë se meritë për bashkimin e partive shqiptare në një listë të vetme për zgjedhjet parlamentare në Serbi, të cilat mbahen më 25 tetor, ka edhe kryeministri i Kosovës, Albin Kurti.
“Meritë të madhe ka edhe Albin Kurti që jemi bërë në një listë të përbashkët. Mendoj se edhe suksesi do të jetë më i madh”, ka thënë Bajram Mustafa në emisionin “Këndi i Debatit” në Tëvë.
Mustafa kujton kohën kur shqiptarët ishin bashkuar edhe më parë.
“Një herë kur kemi qenë të bashkuar, i kemi siguruar tre deputetë në Kuvendin e Serbisë. Shpresoj se edhe kësaj radhe do të ndodhë një gjë e tillë”, ka thënë Bajram Mustafa.
Ndryshe, tetë parti shqiptare nga Presheva, Bujanoci dhe Medvegja do të garojnë së bashku në zgjedhjet e 25 tetorit në Serbi.
Lista e përbashkët njihet si “Koalicioni Shqiptar”.
