Kampionët e Golden State kanë barazuar në 2-2 serinë e çerekfinaleve, pas fitores 126-125 ndaj Sacramento. Një ndeshje e ekuilibruar dhe e hapur deri në fund, ku u dallua Stephen Curry, autor i 32 pikëve, mbështetur nga Thompson me 26 pikë e Poole me 22 pikë. Për Sacramento u dallua Fox me 38 pikë, por që mbetën për statistikë.
Pas kohës shtesë ndalet Denver, që u mund 114-108 nga Minnesota, që mban gjallë shpresat për një vend në gjysmëfinale (Denver udhëheq 3-1 me ndeshje). Jokic realizoi 43 pikë e 11 kërcime, por që s’mjaftuan për fitore, ndërsa për vendasit u dallua Edward me 34 pikë.
Në Lindje, ekipi i New York udhëheq 3-1 serinë pas fitores 102-93 ndaj Cleveland. Brunson me 29 pikë e Barrett me 26 bënë diferencën në fushë për nju-jorkezët. Po 3-1 udhëheq me ndeshje edhe Boston, që mposhti 129-121 Atlanta jashtë fushe, ndeshje ku për Celtics u alluan Tatum e Brown, me nga 31 pikë secili.
