Kryesuesi i Kuvendit Komunal të Gjilanit, Kushtrim Kadriu ka thënë se ka ftuar seancë të jashtëzakonshme për të enjten për të votuar buxhetin e kësaj komune.
Ai tha se ky buxhet nuk është votuar si pasojë e moskoordinimit të kryetarit, Alban Hyseni me partitë opozitare.
Sipas tij, Hyseni nuk ka qenë i interesuar asnjëherë në kalimin e këtij buxheti dhe sic tha ai i njëjti ka organizuar dëgjime publike në kundërshtim me rregulloren.
“Unë kam ftuar një seancë të jashtëzakonshme duke u detyruar nga nënshkrimet e 13 këshilltarëve komunal për të enjten ku do të votohet buxheti i Komunës së Gjilanit. Buxheti nuk është votuar deri më tani sipasojë e moskoordinimit të kryetarit të komunës me grupet parlamentare… Kryetari, Alban Hyseni ka qenë dhe është i interesuar të mos e kalojë këtë buxhet fare dhe gjithnjë e ka gjetur gjuhën e mosbashkëpunimit me partitë politike dhe nuk nuk ka dashur që të krijohet një buxhet i dalur nga këshilltarët komunal. Fillimisht janë shkelur të gjitha procedurat ligjore, ku ka organizuar dëgjime publike, shkel e shko pa u njoftuar fare Kuvendi Komunal dhe kryesia…”, ka deklaruar ai në emisionin “Ditari” në Tëvë1.
Tutje, ai tha se para disa dite ka pasur një marrëveshje për votimin e buxhetit, por sipas tij Hyseni e ka rrezuar mbas 24 orësh.
Më tej, ai tha se Hyseni me anë të arsyetimit për buxhetit është duke u munduar që të largojë vëmendjen nga mospuna e tij.
“Unë para disa dite kam ftuar kryetarët e partive politike PDK-LDK-AAK dhe Hyseni nga LVV. Ne në atë takim kemi gjetur një dakordim dhe kemi një konferencë për media ku thotë Hyseni se ka dakordim dhe thotë se kërkesat e opozitës janë të pranueshme. Por, 24 orësh Hyseni del më një video nuk komunikon me ne dhe del e rrënon krejt marrëveshjen. Zotri Hyseni vazhdon të viktimizohet dhe ta largojë vëmendjen nga mospuna e tij e madhe që ka bërë në Gjilan duke u arsyetuar se nuk ka pasur buxhet. Kjo nuk është e vërtetë…”, ka deklaruar ai.
Hyseni thërret seancë për miratimin e buxhetit, kërkon nga partitë politike ta votojnë
