Arsenali ka rënë dakord për një marrëveshje me Chelsean për të nënshkruar me mesfushorin italian Jorginho.
Chelsea do të përfitojë 12 milionë funtesh nga shitja e Jorginhos, që kishte vetëm edhe gjashtë muaj kontratë në “Staford Bridge”.
31-vjeçari, i cili iu bashkua Chelseat nga Napoli në vitin 2014, është në gjashtë muajt e fundit të kontratës së tij në Stamford Bridge.
Ai tani do të kalojë testet mjekësore përpara se të nënshkruajë një kontratë 18-mujore me opsionin e një viti tjetër.
Topçinjtë e kthyen vëmendjen te Jorginho pasi dy oferta u refuzuan nga Brighton për Moises Caicedo.
Brighton thotë se Caicedo nuk është në shitje dhe duket gjithnjë e më shumë e mundshme që mesfushori i Ekuadorit do të qëndrojë në klub pas afatit të fundit të orës 23:00.
Jorginho do të bëhet nënshkrimi i tretë i Arsenalit në dritaren e janarit, pasi klubi kishte blerë më parë mbrojtësin polak Jakub Kiwior nga Spezia për 20 milionë euro dhe sulmuesin belg Leandro Trossard, i cili u transferua nga Brighton për 21 milionë funte.
Jorginho ka shënuar 29 gola në 213 paraqitje për Chelsean, duke fituar Ligën e Kampionëve, Ligën e Evropës, Superkupën e UEFA-s dhe Kupën e Botës për Klube FIFA gjatë kohës së tij në klub.
Në anën tjetër, Chelsea ende po punon në transferimin e Enzo Fernandez nga Benfica për shifrën rekorde 120 milionë euro.
