Mesfushori i Italisë, Jorginho do të jetë pjesë e Arsenalit edhe pas përfundimit të edicionit aktual.
Bëhet e ditur se Jorginho ka rinovuar kontratën me Arsenalin që i skadonte këtë verë.
Me rinovimin e kontratës për një vit që është bërë zyrtare të enjten, Jorginho do të jetë pjesë e Arsenalit deri në verën e vitit të ardhshëm.
32-vjeçari këtë edicion nuk ka pasur hapësirë të madhe tek Arsenali, ekip të cilit iu bashkua në fillim të vitit të shkuar nga Chelsea.
Në 35 ndeshje të luajtura në të gjitha garat, Jorginho ka shënuar 1 gol dhe ka bërë 2 asistime.
