Bojan Jevtiq, ish-toger i Policisë së Kosovës, i dyshuar për veprën penale spiunazh ka pranuar fajësinë.
Prokurori special Bekim Kodraliu, ka thënë se i akuzuari ka pranuar fajësinë në prani të palës mbrojtëse për dy veprat penale.
“I pandehuri ka pranuar fajësinë për veprat penale të spiunazhit dhe të mbajtjes në pronësi, kontroll ose posedim të paautorizuar të armës”, ka thënë ai.
Kodraliu ka treguar edhe propozimin e Prokurorisë për dënim ndaj Jevtiq, të cilin ka kërkuar që Gjykata ta miratojë.
“Në kuadër të marrëveshjes, Prokuroria i ka rekomanduar Gjykatës, shqiptimin e një dënimi unik për dy vepra penale. Në pajtim me kushtet e dakorduara mes palëve. Dënimin plotësues për mos ushtrimin në organet shtetërore për një periudhë prej 5 vitesh, konfiskimin e pasurisë së specifikuar. Prokuroria i propozon gjykatës që të aprovojë propozimin dhe të njëjtën ta marrë për bazë me rastin e aktgjykimit”, tha ai në seancë, raporton teve1.info.
Jevtiq ka deklaruar se e është i vetëdijshëm për marrëveshjen për pranim të fajësisë dhe se këtë e ka bërë pa ndonjë presion, por ka kërkuar dënim më minimal.
Shpallja e vendimit do të bëhet në ora 15:00.
Jevtiq, dyshohet se zyrtarit të BIA-s ia ka mundësuar qasjen në kompjuterin zyrtar, duke rrezikuar policët, sigurinë kombëtare dhe rendin kushtetues.
Ai ishte arrestuar në korrik të vitit të kaluar.
Fillon seanca fillestare ndaj Bojan Jevtiq, i akuzuar për spiunazh
