Mesfushori zviceran Ardon Jashari më në fund është gati të nisë aventurën e tij me Milanin.
Pas më shumë se dy muajsh mungesë për shkak të një frakture të fibulës, e pësuar në stërvitje menjëherë pas transferimit nga Club Brugge për mbi 40 milionë euro, ai do t’i bashkohet grupit të kuqezinjve nga nesër.
Milani po përballet me mungesa të mëdha, teksa ndeshjen e radhës skuadra e drejtuar nga Massimiliano Allegri, do ta luaj të dielën kundër Romës.
Jashari, nuk do të jetë gati për këtë ndeshje, por ai do të vazhdojë stërvitjet për të rikthyer formën e plotë fizike.
Allegri e sheh zviceranin si alternativë për rolin e organizatorit para mbrojtjes, për ta ndihmuar Luka Modricin, i cili ka luajtur çdo ndeshje deri tani.
Jashari ishte një nga transferet më të përfolura të kësaj merkatoje verore, teksa deri më tani ka vetëm 2 paraqitje për skuadrën nga San Siro”, me 40 minuta në total.
