Sulmuesi i krahut, Adnan Januzaj është gati për aventurën e tij të re tek Las Palmasi, ekip që garon në La Liga të Spanjës.
Në prezantimin e tij, Januzaj ka insistuar se pret ta ketë një sezon fantastik pasi ndihet mirë në të gjitha aspektet, përfshirë edhe atë fizik.
Januzaj, javën e shkuar iu bashkua Las Palmasit, ekip që e vlerëson lart dhe me të cilit pret rezultate të mira në sezonin e ri.
Ai u huazua për një vit nga Sevilla dhe Las Palmasi ka opsionin e blerjes së tij verën tjetër për 2 milionë euro.
“Dua të kthehem në formën time më të mirë dhe do të jap gjithçka nga vetja për të dëshmuar këtë pasi Las Palmasi mendoj se mund të jetë moment më i mirë në karrierën time”, ka thënë ndër të tjera Januzaj.
Januzaj ka kontratë me Sevillan deri në vitin 2026, ndërsa karrierë në Spanjë ka bërë edhe te skuadra e Real Sociedadit.
Në total, 29-vjeçari ka 142 paraqitje në La Liga, ku ka shënuar 15 gola dhe ka bërë po aq asistime.
