Ministri i Mbrojtjes së Izraelit, Izrael Katz, tha se ushtria izraelite do të shkatërrojë shtëpitë në Libanin jugor, ashtu siç bëri në Gaza, në atë që ai e quan një përpjekje të shtuar për të çliruar zonën nga militantët e Hezbollahut.
Katz thotë se Izraeli do të zbatojë “modelet e Rafah dhe Beit Hanoun”, duke iu referuar dy qyteteve kufitare të Gazës që Izraeli i rrafshoi në ofensivën e tij në territorin palestinez, citon agjencia AP.
Ushtria izraelite lëshoi të martën urdhra të menjëhershëm evakuimi për banorët në disa lagje në Libanin Jugor të martën, ndërsa Tel Avivi vazhdon ofensivën e tij ushtarake kundër Libanit.
Ushtria izraelite ka goditur Libanin me sulme ajrore dhe ka nisur një ofensivë tokësore në Libanin jugor që nga një sulm ndërkufitar nga Hezbollahu më 2 mars.
Autoritetet libaneze thonë se të paktën 1,039 persona janë vrarë dhe 2,876 janë plagosur në sulmet izraelite./teve1.info/
