Ish-deputetja e Nismës Socialdemokrate, Xhevahire Izmaku, ka mohuar zërat për një bashkim të mundshëm të partisë me listën e PDK-së.
Në një postim në Facebook, ajo tha se ditëve të fundit ka marrë shumë pyetje për këtë çështje, por theksoi se Nisma do të garojë e pavarur, nën lidershipin e Fatmir Limajt.
“Ajo marrëveshje nuk ndodhi. Nisma do të ecë përpara e pavarur, e përkushtuar dhe e mbështetur tek njerëzit që e besuan këtë rrugë dekada me radhë”, shkroi Izmaku.
Ajo shtoi se partia do të vazhdojë të jetë forcë politike që shërben interesat e qytetarëve, duke bërë thirrje për mobilizim të strukturave.
“Ky është momenti ynë për të qëndruar bashkë. Gara fillon”.
