Mbrojtësi i Kombëtares së Shqipërisë, Ardian Ismajli po vazhdon të shkëlqej këtë sezon me fanellën e Empolit në Serie A.
Ismajli ishte ndër më të dalluarit edhe në ndeshjen e fundit të Empolit, të cilën e fitoi 1:0 ndaj Comos në kuadër të xhiros së 11-të.
Ai luajti tërë ndeshjen dhe u vlerësua me notën 7.5 pasi ishte i pagabueshëm duke regjistruar 34 pasime të sakta, 5 duele të fituara në ajër dhe 3 aksione të ndërprera.
Kështu që, bazuar në paraqitjet e tij në të gjitha ndeshjet kampionale ku ka qenë i pazëvendësueshëm tek Empoli, Ismajli është ndër top-pesë mbrojtësit në Serie A.
Në fakt, ai i prinë listës si mbrojtësi më i mirë në kampionat pas 11-të xhirove me notën mesatare 6.5, duke lënë pas vetes Federico Dimarcon e Alessandro Bastonin e Interit, pastaj Alessandro Buongiornon e Napolit dhe Davide Zappacostan e Atalantas.
Deri më tani, Ismajli I ka të luajtura 990 minuta në kampionat me fanellën e Empolit, ekip me të cilin ka kontratë deri në fund të këtij sezoni.
