Njohësi i sigurisë, Avni Islami, e konsideron veprim të qëlluar të Qeverisë së Kosovës vendosjen e gurthemeleve të dy urave të reja pranë Urës së Ibrit.
Sipas Islamit, ky hap ka qenë i nevojshëm pasi siç ka thënë ura aktuale është “mitizuar nga serbët dhe Bashkimi Evropian”.
“Paralajmërimi nga ana e Qeverisë së Kosovës që do të vendosin gurthemelet për dy ura, njëra për këmbësor, ndërsa tjetra për qarkullimin e lirë të veturave dhe mallrave ka qenë një mendim i tyre dhe unë konsideroj që veprimi i tyre është veprim i qëlluar duke pasur parasysh që ura aktuale e cila gjendet mbi lumin Ibër është ‘mitizuar’ nga serbët dhe nga Bashkimi Evropian. Ajo urë le të mbetet ashtu deri në një marrëveshje të nënshkruar për njohje reciproke mes dy shteteve, ndërsa për qarkullimin e mallrave dhe lëvizjen e lirë të njerëzve Qeveria e Kosovës ka vendosur t’i hap dy ura që sa më tepër të bëhet qarkullimi dhe të mos ketë pengesa për qarkullimin. Pra, secila urë që vendoset në çdo vend vendosen ura të miqësisë bashkëpunimit dhe unë nuk shoh asgjë të keqe në hapjen e këtyre dy urave dhe uroj që sa më shpejt të funksionalizohen”, ka thënë Islami në emisionin “Ditari” në Tëvë1.
Ndryshe, në kuadër të Memorandumit të Bashkëpunimit ndërmjet Ministrisë së Mjedisit, Planifikimit Hapësinor dhe Infrastrukturës dhe komunave të Mitrovicës së Jugut dhe Mitrovicës së Veriut, pasditën e së martës janë vendosur gurthemelet për dy ura të reja mbi lumin Ibër.
Kryeministri në detyrë i Kosovës, Albin Kurti, pas vendosjes së gurthemeleve tha se ndërtimi i tyre synon të forcojë lidhjen dhe bashkëpunimin mes veriut dhe jugut të Mitrovicës./teve1.info/
Kurti: Dy ura të reja për të rritur qarkullimin dhe bashkëpunimin mes veriut dhe jugut
