Ish-ministri i Jashtëm i Kosovës, Petrit Selimi thotë se proceset integruese të Kosovës janë të kushtëzuara me planin franko-gjerman, të mbështetur nga ShBA-ja dhe BE-ja.
Selimi thotë se përveç anëtarësimit në NATO dhe Këshillin e Evropës, edhe liberalizimi i vizave është kushtëzuar me pranimin e këtij propozimi.
“E padrejtë apo jo, por anëtarësimi i Kosovës në NATO, Këshillin e Evropës, madje edhe liberalizimi i vizave janë të kushtëzuar me pranimin e planit të përbashkët të Gjermanisë, Francës, ShBA-së dhe BE-së. Kjo marrëveshje do të thotë se Serbia do të njohë pasaportat, simbolet, kufijtë e Kosovës. Gjithashtu do të thotë se Kosova krijon një asociacion”, ka shkruar ai.
