Irlanda ka marrë presidencën e radhës të Bashkimit Evropian të mërkurën, në një ceremoni zyrtare në Dublin.
Me këtë rast, presidenti i Këshillit Evropian, Antonio Costa mbajti një fjalim në një konferencë për shtyp me kryeministrin e Irlandës, Micheal Martin.
Costa tha se presidenca irlandeze vjen në një moment vendimtar, ndërsa Evropa përballet me gjashtë muaj të vështirë, gjatë të cilëve duhet të japë rezultate në aspektin e konkurrueshmërisë, sigurisë dhe buxhetit të ardhshëm afatgjatë të BE-së, shkruan Guardian.
Ndërkohë, Martin theksoi se ekzistonte “një nevojë urgjente për të përmirësuar konkurrueshmërinë e Evropës”.
Irlanda pason Administratën Greko-Qipriote, e cila mbajti presidencën gjatë gjysmës së parë të vitit 2026, dhe pritet t’ia kalojë stafetën Lituanisë më 1 janar të vitit të ardhshëm.
Presidenca e saj shënon fillimin e një programi 18-mujor të ndarë me Lituaninë dhe Greqinë sipas sistemit “Trio Presidencë” të BE-së, i cili udhëhiqet nga Axhenda Strategjike e bllokut 2024-2029./teve1.info/
