Zyrtarët iranianë treguan të mërkurën se kanë marrë një përgjigje zyrtare nga SHBA-ja ndaj propozimit të fundit të Teheranit për t’i dhënë fund luftës shtatëmujore, të cilën Presidenti i SHBA-së Donald Trump e kishte refuzuar publikisht vetëm disa ditë më parë.
Zyrtarët nuk thanë se çfarë përmbante përgjigja dhe nëse ishte një refuzim.
Ministri i Jashtëm iranian, Abbas Araghchi, ia paraqiti përgjigjen e SHBA-së Presidentit Masoud Pezeshkian në një mbledhje të kabinetit, tha zëdhënësja e qeverisë Fatemeh Mohajerani për agjencinë shtetërore të lajmeve IRNA.
“Ne do të bëjmë çdo përpjekje për ta zbatuar marrëveshjen dhe do të mbrojmë me vendosmëri të drejtat e popullit iranian”, tha Pezeshkian. “Marrëveshja tani duhet të bazohet në një strategji fitimtare për të dyja palët.”
Mbledhja e kabinetit pasoi kthimin e Araghchi-t në Iran, pasi udhëtoi për në Nju Jork për Asamblenë e Përgjithshme të Kombeve të Bashkuara javën e kaluar , ku zyrtarët zhvilluan bisedime indirekte me zyrtarë amerikanë dhe gjithashtu u takuan me ndërmjetësues të Katarit dhe Pakistanit në kuadër të takimit vjetor të liderëve botërorë.
Presidenti i SHBA-së, Donald Trump, e hodhi poshtë publikisht planin disa ditë më parë.
