Esmaeil Baghaei , zëdhënësi i ministrisë së jashtme të Iranit, u tha gazetarëve në një konferencë javore për shtyp të hënën se Irani aktualisht nuk po zhvillon asnjë bisedime me SHBA-në, raporton Reuters.
Kjo kundërshton pretendimet e bëra nga presidenti amerikan, Donald Trump të dielën në mbrëmje se bisedimet me Iranin do të zhvilloheshin të nesërmen.
Baghaei tha se nuk kishte plane për të pritur një delegacion ose për të dërguar një iranian, dhe se fokusi aktual i Iranit është në negociatat me Omanin mbi ngushticën e Hormuzit .
“Tani do të arrijmë një mirëkuptim për një rrugë të pranueshme për të dyja palët – as rrugën veriore dhe as atë jugore – por një rrugë që respekton të drejtat sovrane të të dyja palëve dhe mbron interesat dhe sigurinë tonë kombëtare”, tha ai në një intervistë me televizionin shtetëror iranian, citon Guardian.
Të dielën, Trump u tha gazetarëve në Air Force One se vendosi të shtyjë urdhrin e forcave amerikane për të kryer sulme të reja kundër Iranit me nxitjen e aleatëve të Gjirit, Katarit , Emirateve të Bashkuara Arabe dhe Arabisë Saudite , përfshirë një telefonatë me Princin e Kurorës Mohammed bin Salman.
“I thashë princit të kurorës: ‘Çfarë do të preferonit të bënit? A do të preferonit që ne ta bënim këtë apo jo?’”, tha Trump. “Ata thanë se ne do të preferonim shumë më tepër një marrëveshje sesa një sulm, sepse nuk e dini se ku çojnë këto sulme.”
