Zëdhënësi i Ministrisë së Jashtme iraniane, Esmaeil Baghaei gjatë konferencës së tij për shtyp ka deklaruar se Irani nuk ka ndërmend të marrë pjesë në negociata “deri më tani.”
Kjo “deri më tani” është jashtëzakonisht e rëndësishme, pasi ora po ecën dhe ne ende po presim të shohim nëse Irani do të ndjekë trajektoren e diplomacisë, shkruan Al Jazeera.
Baghaei konfirmoi poashtu se Irani ka vendosur ta mbyllë Ngushticën e Hormuzit.
Ai tha se Irani kishte vendosur më parë ta hapte atë bazuar në një marrëveshje fillestare me Uashingtonin, por më vonë e ktheu mbrapsht atë vendim për dy arsye. Së pari, vazhdimi i shkeljeve të armëpushimit në frontin libanez dhe së dyti, bllokada që amerikanët vendosën ndaj anijeve iraniane.
Ai kritikoi SHBA-në për mungesë besimi, diçka që pala iraniane ka përsëritur vazhdimisht.
