Ditë rinovimesh tek Interi. Pasi u firmos kontrata e re me Alessandro Bastonin (2028), ishte radha e Hakan Calhanoglu për të zgjatur bashkëpunimin me nënkampionët e Italisë.
Mesfushori i avancuar turk, shërbimet e të cilit u siguruan me parametra zero nga Milani në verën e vitit 2021, ka firmosur kontratën e re deri në vitin 2027.
Kapiteni i kombëtares së Turqisë, u shpreh i lumtur që do të vijojë të jetë pjesë e skuadrës së Simone Inzaghit edhe për katër vitet e ardhshme.
”Përshëndetje tifozë të Interit. Kam një lajm të mirë për ju. Ne do të jemi ende bashkë për të mbrojtur ngjyrat zikaltër. Forca Inter”, deklaroi mesfushori.
Calhanoglu ka fituar dy Kupa Italie dhe po kaq Superkupa në dy sezonet e para me Interin. Skuadër me të cilën mbërriti në finalen e madhe të Champions League sezonin e fundit.
