Skuadra e Interit ka rritur ofertën për sulmuesin e Atalantas, Ademola Lookman, kanë njoftuar mediumet italiane të martën.
Interi fillimisht kishte ofruar 40 milionë euro për Lookmanin, por Atalanta e kishte refuzuar dhe tani drejtuesit e ekipit kaltër e zi, kanë rritur ofertën për kartonin e tij.
Bëhet e ditur se Interi ka ofruar 40 milionë plus 5 milionë euro bonuse në total për ta bërë ofertën 45 milionë euro.
Megjithatë, Atalanta duket se i ka rezistuar edhe kësaj oferte pasi ka vendosur që për kartonin e Lookmanit të kërkojë hiq më pak se 50 milionë euro.
Mbetet të shihet se si do të shkojnë negociatat mes klubeve ditëve në vijim, ndonëse Lookman po insiston ti bashkohet Interit.
