Instituti Kombëtar i Shëndetësisë Publike ka apeluar qytetarët që të kujdesen për sigurinë e ushqimit që e konsumojnë në këto ditë me temperatura të larta.
IKShPK thotë se përmes ruajtjes dhe përgatitjes adekuate të ushqimit mund të parandalohet rritja e baktereve.
“Në ditët me temperatura të larta, është shumë e rëndësishme që të kujdesemi për sigurinë e ushqimit që e konsumojmë. Përmes ruajtjes dhe përgatitjes adekuate të ushqimit, mund të parandalojmë rritjen e baktereve; ruajmë freskinë e ushqimit; shmangim helmimet përmes ushqimit; i ruajmë vlerat ushqyese të tij dhe mundësojmë të zgjatet afati i përdorimit të ushqimit”, thuhet në njoftimin e IKShPK-së./teve1.info/
