Skënder Zogaj është një ndër themeluesit e Lidhjes Demokratike të Kosovës.
Ai kujton kohën kur janë bërë përpjekje nga partia e tij në sensibilizimin e çështjes së Kosovës.
Zogaj kujton një takim të ndodhur ndërmjet presidentit të ndjerë të Kosovës, Ibrahim Rugova me ish-presidentit të Shqipërisë, Sali Berisha, derisa zbulon se raportet nuk kanë qenë edhe aq të mira.
“Në vitet e 90-ta, Ibrahim Rugova është takuar me Sali Berishën në Tiranë. Takimi është zhvilluar në vilën e Enver Hoxhës në Tiranë. Ose aty, ose te vila e Mehmet Shehut, i ka organizuar takimet Rugova në Tiranë. Dorështangimi mes Rugovës dhe Berishës nuk ka qenë i zakonshëm. Rugova i ka pritur njerëzit me ngrohtësi, por jo edhe Berishës. Takimi zgjati gjatë, më shumë se dy orë. Pas takimit, ndodhi një gjë e çuditshme pasi të dy u ndanë në mënyrë shumë të ngrohtë. Pas takimit, Rugova ishte shumë i disponuar, siç duket u sqaruan dhe pastaj takimet kanë shkuar shumë mirë”, ka thënë Skënder Zogaj në emisionin “Këndi i Debatit” në Tëvë1.
Ai nuk e di me saktësi se pse para takimet kanë qenë raportet e ftohura.
“Nuk e dimë saktësisht se çka ka ndodhur përpara pasi që ne kemi hezituar që t’i bëjmë shumë pyetje Rugovës”, kujton Zogaj duke folur më tutje për ndryshimin e qëndrimeve.
“Pas takimit, Sali Berisha të gjithë na ka pritur me ngrohtësi. Të gjithë i kemi pasur dyert e hapura”, tha Zogaj.
