Në emisionin “Ditari” në Tëvë 1, Iberdemaj deklaroi se në takim me Osmanin kanë shpalosur të gjeturat e tyre lidhur me këtë proces teksa thotë se ajo është zotuar se do t’i lexojë ato në detaje.
“Ne përfaqësuesit e shoqërsië civile kemi zhvilluar një takim me presidenten ajo na ka ftuar për të na konsultuar lidhur me raportet tona që i kemi publikuar pas monitorimit të këtij procesi takimi ka shkuar mirë presidentja ka kërkuar t’i ndajmë raportet dhe gjetjet tona. Ajo është zotuar se do ta lexojë në detaje çdo raport dhe çdo informacion të pranuar nga shoqëria civile përderisa është duke shikuar apo menduar sa i përket vendimit të saj në lidhje me dekretimit apo jo të kryeprokurorit”, tha ajo.
Iberdemaj tregon se gjatë monitorimit të këtij procesi është mbyllur faza e poentimit – vlerësimit me pikë i kandidatëve.
“Kur jemi te faza e poentimit të vlerësimit KPK apo saktëisht Komisioni Vlerësues ka vendosur t’a mbyllë këtë fazë për monitoruesin. Për shkak se KPK disa vite më herët ka bërë një rregullore që ndalon një forme publikimin e vlerësimit për kandidatë secili anëtar i komisionit është i pajisur me një kod në bazë të atij ata bëjnë vlerësimin e kandidatëve nuk është e ditur forma e vlerësimit cili anëtarë kënd sa e ka poentuar”, tha ajo.
Tutje, Iberdemaj vlerëson se në bazë të gjetjeve, Komisoni ka përdorur “standarde të dyfishta” për shkak se fushës së integritetit nuk i është kushtuar rëndësia e nevojshme.
“Prej asaj që kemi parë Komisioni i ankesave ka arritë me konstatu që disa nga kandidatët të cilët kanë ushtruar ankesa për disa fusha i kanë pasur bazë kanë qenë të bazuara kemi arrit me vërejtë se anëtarët e komisionit kanë përdorur standarde të dysfishta për shkak se te fusha e integritetit që është më e rëdnësishmja që dikush t’i kushtohej rëndësia më e madhe një anëtar ka vendosur për një kandidat i cili në të kaluarën nuk ka pasur ndonjë rast të hapur apo ndonjë procedurë disiplinore e ka vlerësuar me 16 pikë ndërsa tjetrin që nuk ka pasur rast të hapur i ka dhënë pikët maksimale”, tha ajo.
Kurse, sa i përket ankesave ajo thotë se pasi komisioni vlerësues i pranoi disa nga to, Këshilli Prokurorial i Kosovës i ka refuzuar.
“Ankesat që janë bërë prej kandidatëve për kryeprokuror janë shqyrtuar prej komisionit, ka mbajtur mbledhjen i ka aprovuar disa prej tyre, pastaj ky raport ka shkuar në mbledhjen e KPK-së dhe anëtarët kanë vendosu me refuzua këtë raport, kjo thotë shumë sepse ka pasur prej asaj që kemi parë kur një kandidati prej maksimumit të pikëve në fushën e integritetit i janë dhënë 14 pikë dhe arsyetimi ka qenë qëesharak për shkak se i njëjti ka iniciuar shumë procedura disiplinore ndaj vartësve të tij”, tha Iberdemaj./teve1.info/.
